Monday 9 April 2007

സ്വര്‍ണകിങ്ങിണി


'വിഷു വരുന്നുട്ടൊ' എന്നു നിശബ്ദമായി ആര്‍ത്തു വിളിച്ചുകൊണ്ടു
മാര്‍ച്ച്`-ഏപ്രില്‍ മാസങ്ങളില്‍ സിംഹപുരിയുടെ ഹൈ വേകളിലും റോഡ്‌ ഡിവൈഡറുകളിലും പൂത്തുലഞ്ഞു നില്‍ക്കുന്ന കണിക്കൊന്ന എനിക്കു ഗൃഹാതുരത്വം ഉണര്‍ത്തുന്ന ഒരു കാഴ്ച്ചയാണു`...ഇത്രനാളും ആരും കാണാതെ ശേഖരിച്ചു വച്ചിരുന്ന സ്വര്‍ണ നാണ്യങള്‍ നിര്‍‌ലോഭം വാരി ചൊരിയുന്ന ദാനശീലന്റെ ഭാവമാണു അപ്പൊള്‍ കണികൊന്നയ്ക്....ഒരു പക്ഷെ നാട്ടിലുള്ളതിനെക്കാള്‍ കൂ‍ടുതല്‍ കൊന്ന മരങള്‍ ഇവിടെ ഉണ്ട്.



-നാട്ടിലെ അക്കേഷ്യാ മരങ്ങള്‍ വെട്ടി മാറ്റി കൊന്നയും മറ്റും നടാന്‍ പോകുന്നു എന്നു വായിച്ചു..നല്ലതു! സാമൂഹ്യ വനവല്‍ക്കരണത്തിന്റെ മുഖം മിനുക്കല്‍ കേരളതിന്റെ മുഖശ്രീ തെളിയിക്കട്ടേ
..കര്‍ണ്ണികാരം പൂത്തു തളിര്‍കട്ടെ..അവര്‍ വേനല്‍ ചൂടില്‍ സ്വര്‍ണം ഉരുക്കി കിങ്ങിണി പണിയട്ടെ
!

മത്താപ്പൂ വെളിച്ചത്തില്‍ മിന്നിമറയുന്ന ഓര്‍മ്മകളില്‍ ഒരു പാടു വിഷുകാലങ്ങള്‍ .നന്നെ വെളുപ്പിനു ഉമ്മറത്തു അലങ്കരിച്ച കൂട്ടില്‍ ചെറിയ ഒരു കൃഷ്ണനെയും വച്ചിട്ടു മാറി നിന്നു "രാധ മാധവ ഗോപാല ..എന്നു ഭജന പാട്ടു പാടി വീട്ടുകാരെ ഉണര്‍ത്തി, കണികാട്ടിയിരുന്നു അന്നു ഭജനമഠത്തിലെ ചെറുപ്പക്കാര്‍,അവര്‍ക്കു കുറച്ചു ചില്ലറ തടയുന്ന വഴി..അന്നു അതു ഉറക്കം മാറാത്ത കുഞ്ഞി കണ്ണുകളുക്ക് ഒരു പുലര്‍ക്കാല സുന്ദര സ്വപനം പോല , മറക്കാനാവാത്ത, വിഭ്രമിപ്പിക്കുന്ന മായ കാഴ്ചകള്‍ കൊണ്ടു പോലും കാലത്തിനു മായ്ക്കാനാകാത്ത ,കാഴ്ചയായി.

-പിന്നീടു ഒരോ കാഴ്ച്ചയും കാണലിന്റെ സാരംശം ചോര്‍ത്തി കളഞ്ഞു എന്നു പറയണൊ..ഛെ വേണ്ട

പ്രവാസജീവിതത്തില്‍ ആദ്യം വന്ന ആഘോഷവും വിഷു ആയിരുന്നു,ചെറിയ തോതിലെങ്കിലും എല്ലാം ഒരുക്കണം എന്നു വിചാരിച്ചു ...കുട്ടികള്‍ ഒന്നും മറന്നു പോവരുതല്ലൊ..വീടിനടുത്തുള്ള ജോഗ്ഗിംഗ്‌ ട്രാക്കില്‍ നിരന്നു നില്‍കുന്ന കണികൊന്ന മരങ്ങള്‍ ആദ്യെ നോട്ടമിട്ടു വച്ചിരുന്നു .വിഷു തലേന്നു സന്ധ്യയുടെ നേര്‍ത്ത ഇരുട്ടിന്റെ മറപിടിച്ചു ,ഒരു പാടു പൂക്കള്‍പറിച്ചു കൊണ്ടു വന്നു.പഴങ്ങളും സ്വര്‍ണവും കസവുനേര്യതും ഒക്കെ ചേര്‍ത്തു ഒന്നു രണ്ടു വര്‍ഷം കണി വച്ചു.ഒരു പക്ഷെ അത്രയും പൂക്കള്‍ നാട്ടില്‍ പോലും കിട്ടിയിരുന്നില്ല..

-


തിരുവനന്തപുരത്തു താമസികുമ്പോള്‍ ഒരു ചെറിയ കൊന്ന പൂ തണ്ടും പച്ച കശുവണ്ടിയും കണ്ണിമാങ്ങയും ചേര്‍ത്തു കെട്ടി 5 രൂപയ്ക്കു തരുന്ന, ഞങ്ങളുടെ മില്‍മ പാല്‍കാരന്റെ നിര്‍ബന്ധിത പാക്കെജ്‌ ആണു, വിഷു കണിക്ക് ഉപയോഗിച്ചിരുന്നത് .ആശയൊടെ നട്ട കൊന്ന പൂവിടുന്നതിനു മുന്‍പെ അനന്ത പുരി വിട്ടു സിംഹപുരിയിലെക്കു പോരേണ്ടിയും വന്നു

പക്ഷെ ഒന്നു രണ്ടു വര്‍ഷം കഴിഞ്ഞപ്പോള്‍ ആ വമ്പന്‍ മരങ്ങള്‍ parks board വെട്ടി മാറ്റി..അശോകം നട്ടിരിക്കുന്നു അവിടെ....ഈ ശ്രദ്ധ യാണി ദീപിനെ നിത്യ ഹരിതയാക്കുന്നതു... അത്തവണ ഞങ്ങള്‍ കണികൊന്ന തിരഞ്ഞു കുറെ ദൂരെയുള്ള പാര്‍ക്കില്‍ പോയി. ഒരു പാടു കൊന്ന മരങ്ങള്‍ അവിടെ ഉണ്ടു ,പലതും ഉയരത്തില്‍ , അതു പറിച്ചു ഫൈനടിയും ചൂരലടിയും ചാംഗി വാസവും ഒന്നും വയ്യ എന്നായി പ്രിയംവദന്‍


-അത്തവണ കണി വച്ചതു ഫ്ലവര്‍ ഷോപ്പില്‍ നിന്നും വാങ്ങിയ മഞ്ഞ ഓര്‍ക്കിഡുപൂകുലകളായിരുന്നു!


ഒന്നു അഡ്ജസ്റ്റ്‌ ചെയ്യെന്റെ കൃഷ്ണന്‍ കുട്ട്യെ.....നമുക്കീ ജനലീ കൂടെ ദൂരെ റോഡിലേക്ക് നോക്കിയാല്‍പോരെ ,നിറയേ പൂത്തുലഞ്ഞു നില്‍ക്കുകയല്ലെ ഇമ്മടെ കൊന്ന പെണ്ണു ,എന്തൊരു ഭംഗിയാ അല്ലെ? ഒരില ഉണ്ടൊ? ..നമുക്കിങ്ങനെ മരത്തിലേക്ക്‌ നോക്കിയാല്‍ പോരെ ..വെറുതെ ആ പൂവു പറിച്ചെടുക്കണൊ....ഇതൊരു 'ഫൈന്‍ സിറ്റി 'ആണെന്ന കാര്യം നിനക്കറിയില്ലെ? അല്ലെങ്കിലും അതിങ്ങനെ ദൂരെ കാണാനാണു ഭംഗി അല്ലെ ? ഞാന്‍ പറഞ്ഞു.....
-കൃഷ്ണണന്‍ ചിരിച്ചു ,ഗുരുവായൂര്‍ നിന്നു കൊണ്ടു വന്നപ്പോള്‍ ഉള്ള അതെ ചിരി..അഭ്യര്‍ത്ഥനകളും ഭീഷണിയില്‍ അവസാനിക്കുന്ന അപേക്ഷകളും പിന്നത്തെ അനുനയങ്ങളും സമവായങളും ..എല്ലാം എത്ര കണ്ടതാ ..പാസ്സ്‌പ്പോര്‍ട്ട്‌ എടുക്കാന്‍ മറന്നു ..ഇവിടെ പെട്ടു പോയി ഇനി പറഞ്ഞിട്ടെന്താ എന്നല്ലെ ആ കള്ള ചിരിയുടെ അര്‍ത്ഥം?



പക്ഷെ കൃഷ്ണന്‍ അതു ശരി വച്ചു എന്നെനിക്കു ആ വാരാന്ത്യത്തില്‍, വിഷു സദ്യക്കുള്ള പായസവുമായി കൂട്ടുകാരിയുടെ വീട്ടിലേക്കുള്ള യാത്രയില്‍ മനസ്സിലായി .. എക്സ്പ്രസ്സ്‌ വേ യില്‍, കിലോമീറ്ററുകളോളം ദൂരം പൂത്തുലഞ്ഞു നില്‍കുന്ന കണി കൊന്ന ...അതൊരു അപൂര്‍വസുന്ദരമായ വിഷു കാഴ്ചയായിരുന്നു


-ഇവിടെ എല്ലാം കിലോമീറ്റര്‍ കണക്കിലെ ഉള്ളു ,ഒരു km അശോകം ,2 km ഇലഞ്ഞി,1/2 km ചെമ്പകം.. വീട്ടില്‍ ഒരേ പോലത്തെ ചെടികള്‍ നിരത്തിയ ചട്ടികള്‍ക ണ്ടാല്‍ എന്റെ ഒരു അനന്തിരവന്‍ ചോദിയ്കുമായിരുന്നു എന്താപ്പാ ഇതു 'ക്ലോണിങ്ങോ'ന്നു`? ഒരേ തരം പൂചെടികളുടെ നീണ്ട നിര നയനസുഖം തരുന്നുവെങ്കിലും , ലാന്‍ഡ്സ്സ്കേപ്പിങ്ങില്‍ ക്രിയാത്മകതയുടെ അഭാവം:‘ക്ലോണിങ്ങിന്റെ‘ കടന്നുകയറ്റവും നൈര്യന്തികത സൃഷ്ടികുന്ന ആവര്‍ത്തന വിരസതയും നഷ്ടമാകുന്ന ആകസിമികതയും എന്നൊ മറ്റൊ ഒരു തീസീസ്സിനും വകുപ്പുണ്ടാക്കുന്നുണ്ട്..


പിന്നെയും വര്‍ഷങ്ങള്‍ കഴിഞ്ഞപ്പോള്‍ ഞങ്ങള്‍ രണ്ടു പേരും (ഞാനും കൃഷ്ണനും ട്ടോ) പ്രയോഗികത തികഞ്ഞ പ്രവാസികളായി മാറി.ഓര്‍ക്കിഡ്‌ പൂജാ പുഷ്പ്പങ്ങളും മാലയും ഓണ പൂക്കളവും ഒക്കെ പരിഭവമില്ലാതെ പരിചയിച്ചു.വിഷുത്തലേനാള്‍ ഇപ്പോ കണിവെള്ളരി വാങി വരൂ എന്നു വാ‍ശി പിടിക്കാ‍റില്ല ,കണികൊന്ന തേടി അലയാറില്ല ,പ്രവാസത്തിന്റെ പ്രയോഗികപാഠങ്ങളുടെ പരിശീലന കളരി ഇതിനൊരു ശാശ്വത പരിഹാരം കണ്ടുപിടിച്ചു തന്നു.. ഇപ്പോള്‍ കുറെ വര്‍ഷങ്ങളായി ഇങ്ങനെയാണു കണികാണുന്നത്..

ബങ്കൊക്കിലെ സുവാന്‍ ലം നൈറ്റ്‌ മാര്‍‌ക്കറ്റില്‍ നിന്നും വാങ്ങിയ ഈ വടാത്ത ,ഉതിരാത്ത കണികൊന്നയും ഫുജി ആപ്പിളും കൊറിയന്‍ ഹണി മാ‍ങയും ഒക്കെ കാണും ആ പഴയ ഉരുളിയില്‍.


നേര്‍ത്ത പുലരി വെളിച്ചത്തില്‍ ,ദൂരെ ,എനിക്കും കൃഷ്ണനും മാത്രം ആ സ്വര്‍ണമഞ്ഞ നിറം തിരിച്ചറിയാം.




കേരളത്തിന്റെയും തായിലാന്‍ഡിന്റെയും ദേശീയ പുഷ്പം കണികൊന്നയായതും ,അവിടെ വിഷു ദിനം മറ്റൊരു പേരില്‍ ആഘോഷിക്കുന്നതും ,രസകരമായ യാദൃച്ഛികത? അവിടെ ഒരു ബുദ്ധക്ഷേത്രത്തില്‍ സ്വര്‍ണം പൊതിഞ്ഞ ബുദ്ധന്റെ പ്രഭയോടു മല്‍സരിക്കാനെന്ന പോലെ പൂത്തുലഞു നിന്ന ആ കണികൊന്നയും ഒരു നല്ല ഓര്‍മ.


.
.
.
.


അനുബന്ധം:അടുക്കളയില്‍ കേട്ടതു...
അമ്മ: മോളെ ആ ദോശ ഒന്നു മറിച്ചിട്ടെ


മോള്‍: .എവിടെ spatula അമ്മെ?


അമ്മ: ചട്ടുകം അവിടെ തൂങ്ങി കിടകുന്നതു കണ്ടില്ലെ?


മോള്‍: Oh yaa.. sorry amma...Can I flip it ? I think all the holes appeared ..


അമ്മ: ..ya..can ..മോളെ അടുത്ത sunday വിഷുവാണ്‌..


മോള്‍:.. Oh God.. Do I ve to get up early ..oh no ..അമ്മാ


അമ്മ: കണികണ്ടിട്ടു വേണെങ്കില്‍ ഉറങ്ങിക്കൊ .


മോള്‍ :Can I see kaNi some time later ,i mean @ 9 or so...its sunday maa..The only day I can get up late..


അമ്മ:..ഏയ് അതു ശരിയാവില്ല


മോള്‍:.. Any way ..I like this vishu ,..Amma... how much you are planing this year? I mean vishukaineetum.


അമ്മ:.പോ അവിടന്നു .അങ്ങിനൊന്നും കുട്ടികള്‍ ചോദിക്കാന്‍ പാടില്ല


മോള്‍: ഹി ഹി ...oh ya അമ്മാ... Are we going to Nikitha's house or Remya's this time with paayasam and curries for sadya? Or are they coming here this time?


അമ്മ:..We are going to sindhu aunty this time ..ഈ തവണ ഞാന്‍ ഓലനും അവിയലും ആണു ഞാന്‍ കൊണ്ടു പോകുന്നതു..


മോള്‍: What ever ....Can I ask you one question?


അമ്മ.. umm


മോള്‍: Why amma all vishu -Onam weekend you take the trouble to prepare kerala food and serve in vazhaila with your 'malayalam' friends?


അമ്മ: ..നിങ്ങളിതൊക്കെ മറക്കാതിരിക്കണല്ലൊ..പിന്നെ ഇവിടെ തനിയെ സദ്യ കഴിച്ചാല്‍ എന്താ ഒരു രസം?


മോള്‍: ..Its ok maa ,I don't like സദ്യ so much , just give us വിഷുകൈനീട്ടം ,No need to struggle yourself.



അമ്മ: (ആതമഗതം )ങെ? എത്ര ഫോണ്‍ വിളികള്‍..ഒരോ വീട്ടുകാര്‍ക്കും ആയാസം തുല്യമാവാനും വിഭവങളില്‍ കേരള തനിമ നിലനിര്‍ത്താനുമുള്ള ബദ്ധപ്പാടുകള്‍ ,വേദി നിര്‍ണ്ണയ ചര്‍ച്ചകള്‍ ,എങ്കിലും അവസാനം ചില കണ്‍ഫ്യൂഷനുകള്‍, തിരക്കിട്ട ലിറ്റില്‍ ഇന്ത്യ സന്ദര്‍ശനം...വാഴയില വാങ്ങല്‍...കാര്‍ത്തിക സ്റ്റോറിലെ കേരള പപ്പടം ഒക്കെ ആര്‍ക്കുവേണ്ടിയായിരുന്നോ?..ചെറിയ കുട്ടികളുക്കു വേണ്ടിയോ ..മുതിര്‍ന്ന കുട്ടികളു വേണ്ടിയോ..ഹും..


അമ്മ (പ്രകാശം)..ദോശ കരിയുന്നെടി മോളെ!

..

42 comments:

പ്രിയംവദ-priyamvada said...

സംസ്കാരം ,ഭാഷ ..ഒക്കെ പകര്‍ന്നു നല്‍കാനുള്ള ശ്രമം ചിലപ്പൊള്‍ പിഴകളില്‍,പിശകുകളില്‍ ,തമാശകളില്‍,പിന്നെ ചില ഭാഗിക വിജയങ്ങളിലും അവസാനിക്കുന്നു എങ്കിലും....

എല്ലാവര്‍ക്കും വിഷു ഈസ്റ്റര്‍ മംഗളങ്ങള്‍!
എന്റെ പുതിയ സ്വയം പ്രസധാനര്‍ത്ഥം:-)

സാജന്‍| SAJAN said...

ഒരു തേങ്ങ ഉടക്കാന്‍ കിട്ടിയ അവസരം ഞാനായിട്ടു പാഴാക്കുന്നില്ല..
ഇന്നാ പിടിച്ചോ
ടേം..!
നല്ല ചിന്തകള്‍ പ്രിയം വദ.
നിങള്‍ക്കെല്ലവര്‍ക്കും നല്ല ഈസ്റ്റര്‍ വിഷു ആശംസകള്‍!!

reshma said...

ചെറിയ കുട്ടികള്‍ക്കും മുതിര്‍ന്ന കുട്ടികള്‍ക്കും വിഷുആശംസകള്‍:)

കൊന്നത് എന്നാല്‍ അടിച്ചിട്ടത് എന്നല്ലേ? ഇത്രേം ഭംഗിയുള്ള പൂക്കള്‍ക്കെന്തിനാ ‘കൊന്ന’പൂക്കള്‍ എന്ന് പേരിട്ടതെന്നൊരു വല്യചെറിയകുട്ടി - എന്താ പറഞ്ഞ് കൊടുക്കാ?

G.MANU said...

vishu aasamsakal

ആഷ | Asha said...

:)

Unknown said...

ആറ് വര്‍ഷങ്ങള്‍ക്കു മുന്‍പ് സിംഗപ്പൂര്‍ വന്നപ്പോള്‍ മുതല്‍ വണ്ടറടിച്ചു നോക്കുന്നതാണിവിടുത്തെ കണിക്കൊന്നകളെ! കഴിഞ്ഞ ദിവസം ഹൈവേയുടെ നടുവില്‍ പൂത്തു നില്‍ക്കുന്ന കണിക്കൊന്നപൂക്കളെ പുട്ടുകുറ്റി ലെന്‍സുകൊണ്ട് ക്യാമറയ്ക്കുള്ളിലാക്കി കൊണ്ടു വന്ന്, കിട്ടിയ ഞായറാഴ്ച്ച ആ കൊന്നപ്പൂക്കളെ ഒരു ഡ്രാഫ്റ്റാക്കി നേര്‍ക്കാഴ്ച്ചകളില്‍ ഒളിപ്പിച്ചുവെച്ചിട്ടുണ്ട്, ബൂലോകര്‍ക്ക് കണിക്കായിട്ട്!


വിഷു ആശംസകള്‍!
:)

രാധു said...

ദൈവത്തിന്റെ സ്വന്തം നാട്ടിലെ സംസ്ഥാന പുഷ്പമായൈ കൊന്നപ്പൂവിനെ സെലക്റ്റ്‌ ചെയ്തതും നന്നായി.
മറ്റുള്ളോര്‍ കാണട്ടെ നമ്മുടെ കിംഗിണിയെ...

പ്രിയംവദ-priyamvada said...

സപ്ത ..ഞാന്‍ ഇന്നലെ കുറെ ഫോട്ടോ എടുതൂ..പിന്നെ "ഇങ്ങനെം മോശമായി പടമെടുക്കാന്‍ പറ്റുമൊ എന്നു വിചാരിച്ചു " സപ്തന്‍ വിഷമിക്കണ്ട എന്നോര്‍തു അതു പോസ്റ്റില്‍ ചെര്‍ത്തില്ല ..(അതു റേഷ്‌ പരഞ്ഞ പോലെ 'കൊന്ന' പൂക്കളയേനേ)
പടം പോസ്റ്റു.. ഞാന്‍ നേര്‍കാഴ്ച്ചകളിലേക്കു ഒരു ലിങ്ക്‌ ഇടട്ടേ?...മുങ്കൂര്‍ നന്ദി

ശാലിനി said...

“സംസ്കാരം ,ഭാഷ ..ഒക്കെ പകര്‍ന്നു നല്‍കാനുള്ള ശ്രമം ചിലപ്പൊള്‍ പിഴകളില്‍,പിശകുകളില്‍ ,തമാശകളില്‍,പിന്നെ ചില ഭാഗിക വിജയങ്ങളിലും അവസാനിക്കുന്നു എങ്കിലും.... “ ഇതു തന്നെ എല്ലാവരുടേയും കഥ.

ആരെങ്കിലും, ഡെസ്ക്റ്റോപ്പിലിടാന്‍ പറ്റുന്ന, കണികൊന്നയുടെ ഫോട്ടോകള്‍ ഇടണേ, എന്റെ പ്രിയപൂക്കളെ മതിയാവോളം കാണാമല്ലോ.

സാരംഗി said...

വിഷു ആശംസകള്‍..

Siju | സിജു said...

പ്രിയംവദ ചേച്ചീ,
വിഷു ഇത്തവണ ഞായറാഴ്ചയാ.. ഏപ്രില്‍ 15നു..
കേരളത്തിലങ്ങിനെയാ.. ഇനി സിംഗപ്പൂരൊക്കെ എങ്ങിനെയാണാവോ..

പ്രിയംവദ-priyamvada said...

സിജുവെ ..singapore കണിയാനോടു ചോദിച്ചിട്ടു പറയാം:-)..

ശരിയാണുട്ടൊ ..താങ്ക്സ്‌ , മാതൃഭൂമി കലെണ്ടരില്‍ sunday ഇല്‍ ആണു, ഇപ്പൊ ഓര്‍ക്കുന്നു..ഞാന്‍ 14th saturday കണി വച്ചേനെ!
പിന്നെ എതു ദിവസം വന്നാലും വീകെന്റിലാണു ആഘോഷം ! post ഞാന്‍ തിരുത്തിയിട്ടുണ്ടു.

അപ്പു ആദ്യാക്ഷരി said...

പ്രിയ...നല്ല പോസ്റ്റ്.
കുട്ടീകളുമായുള്ള സംഭാഷണവും നന്നായി.

വല്യമ്മായി said...

ഏതു ധൂസര സങ്കല്പങ്ങളില്‍ വളര്‍‌ന്നാലും
ഏതു യന്ത്രവല്‍കൃതലോകത്തില്‍ പുലര്‍ന്നാലും
മനസ്സിലുണ്ടാകട്ടെ ഗ്രാമത്തിന്‍ വിശുദ്ധിയും‌-
മണവും മമതയും ഇത്തിരി കൊന്നപ്പൂവും

ഈ വരികളെ ഓര്‍മ്മിപ്പിച്ചു പോസ്റ്റ്

വിഷു ആശംസകള്‍

പുള്ളി said...

വിദേശത്തു വളരുന്ന കുട്ടികളെ മലയാളികുട്ടികളാക്കി വളര്‍ത്തുക എന്നത് എത്രകണ്ട് പറ്റും എന്നറിയില്ല. അവരെ നല്ലവണ്ണം മലയാളം സംസാരിയ്ക്കുന്നവര്‍ ആക്കാന്‍ കഴിഞ്ഞേക്കാം പക്ഷേ ചുറ്റുപാടുകളുടെ ഇടപെടല്‍ കൊണ്ടുണ്ടായി വരുന്ന സംസ്കാരം കേരളത്തില്‍ ജനിച്ചു വളര്‍ന്ന നമ്മളൂടേതിലും വളരെ വ്യത്യസ്ഥമായിരിയ്ക്കും. അതുകൊണ്ട് ഭാഗീക വിജയങ്ങള്‍ തന്നെ വളര
വിലപ്പെട്ടയാണ്.
വാല്‍കഷ്ണം : കുറേകാലം കഴിഞ്ഞാല്‍ മക്കള്‍ പേരക്കുട്ടികളോടു പറയുന്നതു കേള്‍ക്കാം, എന്റെയൊക്കെ ചെറുപ്പത്തില്‍ ഇന്നില്ലാത്തതരം എന്തെല്ലാം ആഘോഷങ്ങളായിരുന്നൂ! നമ്മുടെ പഴയ culture-ലും ഉണ്ടായിരുന്നൂ ചൈനീസ് hóng bāo പോലെ ചില customs...

പ്രിയംവദ-priyamvada said...

എന്റെ വല്യമായി നന്ദി! ഈ വരികള്‍ പോസ്റ്റില്‍ ചേര്‍ക്കണമെന്നു വിചാരിച്ചിട്ടു എനിക്കു മുഴുവനായി ഓര്‍ക്കാന്‍ പറ്റിയില്ല..നന്ദി അതെ അതു തന്നെയാണി പോസ്റ്റിന്റെയും പ്രവൃത്തികളുടെയും ആധാരം

തറവാടി said...

വിഷു ആശംസകള്‍

ഗുപ്തന്‍ said...

നല്ല പോസ്റ്റ്...
പ്രവാ‍സത്തിന്റെ നോവിലും ജീവിതത്തിന്റെ പ്രായോഗിക വശങ്ങളോട് പൊരുത്തപ്പെടേണ്ടി വരുന്നവര്‍ക്ക് നല്ല ഒരു അനുഭവക്കുറിപ്പ്.. നന്ദി

santhosh balakrishnan said...

വിഷു ആശംസകള്‍.....

Unknown said...

കൊന്നപ്പൂക്കള്‍ പോസ്റ്റിയിട്ടുണ്ട്!

ഒരു കാര്യം മോളോട് പറഞ്ഞേരെ:
saptula can, ചട്ടുകം also can!
:)

കുട്ടിച്ചാത്തന്‍ said...

ചാത്തനേറ്: വിഷു ആശംസകള്‍.
നല്ല പോസ്റ്റ്,

എന്നാലും ചാത്തന്റെ പ്രിയപ്പെട്ട ദോശ കരിച്ചു കളഞ്ഞല്ലേ.. :(

പ്രിയംവദ-priyamvada said...

സപ്ത can also can ,can not also can.
ഇതൊന്നും മറക്കല്ലെ!

ചാ‍ത്തന്‍ കുട്ടിയെ ..ലിങ്ക്നു നന്ദി

തമനു said...

പ്രിയ പ്രിയംവദേ,

നമ്മുടെ സംസ്കാരവും ഭാഷയും കുറച്ചെങ്കിലും എത്തട്ടെ നമ്മുടേ കുട്ടികളില്‍. അതിനായി ശ്രമിക്കാം.

ഹൃദ്യമായ പോസ്റ്റ്.

വിഷു ആശംസകള്‍..

മുസ്തഫ|musthapha said...

പ്രിയംവദ... നല്ല പോസ്റ്റ്... നന്നായിരിക്കുന്നു

അമ്മ: ..നിങ്ങളിതൊക്കെ മറക്കാതിരിക്കണല്ലൊ..പിന്നെ ഇവിടെ തനിയെ സദ്യ കഴിച്ചാല്‍ എന്താ ഒരു രസം?

മോള്‍: ..Its ok maa ,I don't like സദ്യ so much , just give us വിഷുകൈനീട്ടം ,No need to struggle yourself.

രണ്ട് തലമുറകളുടെ അഭിരുചികള്‍ എത്ര വിത്യസ്തം അല്ലേ... നമ്മുടെ പൂര്‍വ്വീകരും ഒത്തിരി പറഞ്ഞു കാണുമല്ലേ... ‘ഓ ഇപ്പഴത്തെ ഈ പിള്ളേരുടെ ഒരു കാര്യം’ എന്ന് :)

താങ്കള്‍ക്കും കുടുംബത്തിനും പിന്നെ എല്ലാവര്‍ക്കും വിഷു ആശംസകള്‍

നിര്‍മ്മല said...

പ്രിയംവദയുടെ അടുക്കളയിലെ സംഭാഷണം സത്യവദനം തന്നെ. മലയാളത്തില്‍ തുടങ്ങി, ഇംഗ്ലീഷില്‍ പിച്ചവെച്ച് ഇപ്പോള്‍ കൂടുതല്‍ ഇംഗ്ലീഷും കുറച്ചു മലയാളവും എന്നമട്ടിലാണ് ഞങ്ങളുടെ വീട്ടിലെ സ്ഥിതിയും. അല്‍പ്പം പണിപ്പെട്ട് അമ്മാ‍ വിളി അമ്മേ എന്നാക്കിയെടുത്തിട്ടുണ്ട്!

പ്രിയംവദ-priyamvada said...

സാജന്‍: ഐശ്വര്യം ഉള്ള തേങ്ങായടി !
പുള്ളി: അക്ഷരം പ്രതി ശരി, ഈ തിരിച്ചറിവിനു പ്രണാമം!..
ഇനി വിഷുകൈനീട്ടം റെഡ്‌ പായ്ക്കറ്റ്‌ വേണമെന്നു പറയുമൊ ആവ്വൊ? ചൈനീസ്‌ ന്യൂ ഇയര്‍-ഇന്റെ ബാകി ഉണ്ടു:)

സപ്ത: ഏത്ര നല്ല ചിത്രങ്ങള്‍..എന്റെ ഡെസ്ക്‌ ടോപ്‌ അലങ്കരിക്കുന്നു!..ഒരിക്കള്‍ കൂടി നന്ദി .. "എവിടെയാണെങ്കിലും നിന്റെ സങ്കല്‍പ്പങ്ങള്‍ സപ്ത വര്‍ണ്ണങ്ങളും വിടര്‍ത്തട്ടെ..എന്നുമാ കാമെറ മനോഹര ചിത്രങ്ങള്‍ പകര്‍ത്തട്ടെ":)

വല്ലിയമ്മായി..കവിതയ്ക്കു ഒരിക്കല്‍ കൂടി നന്ദി.

ചാത്തോ: മാമ്പഴ കാലം എന്നു പറഞ്ഞു ഇട്ടതു പച്ച മാങ്ങ പടം? :-)..ഹോം ക്രി കുട്ടിചാത്താ എന്നു പറഞ്ഞാല്‍ പഴുക്കുമൊ?

അഗ്രജാ: പാച്ചുവിനെ പോലെ ഇവളും പലതും ചിന്തിപ്പിക്കാറുണ്ടു:)
നിര്‍മല...ഈ one way malayalam പ്രവാസത്തിന്റെ ഭാഗമാണു! എന്തെങ്കിലും കാര്യം സാധികണമെങ്കില്‍ അമ്മേ എന്നു വിളിച്ചു തപ്പി തടഞ്ഞു മലയാളത്തില്‍ സംസാരിക്കും ..ഇംഗ്ലീഷില്‍ പറയുമ്പോല്‍ അമ്മാ എന്നു നീട്ടും , തമിഴ്‌ പിച്ചക്കാരെപ്പോലെ ..
ശാലിനി: യോജിച്ചതിനു നന്ദി ,അല്ലെങ്കിലും "ശാലിനി എന്റെ കൂട്ടുകാരിയാണു"! പൂക്കള്‍ സപ്തന്റെ ബ്ലോഗില്‍ ഉണ്ടു.

റേഷ്‌: എന്റെ ഫോട്ടോ കണ്ടിട്ടായിരിക്കും ആരെങ്കിലും ആപേരിട്ടത്‌

തമന്നു ,മനു,മനുജി ,സന്തോഷ്‌ ,സിജു,അപ്പു,തറവാടി,കളിയന്‍,രാധു,സാരംഗി ..നന്ദി ,വിഷു ആശംസകള്‍!

The Common Man | പ്രാരബ്ധം said...

ആ കൈ ഒന്ന് നീട്ടിക്കോളൂ....

ഇരിക്കട്ടെ കൈനീട്ടം ഒരു വെള്ളിരൂപാ..

പൊലിക...പൊലിക......

മനോജ് കുമാർ വട്ടക്കാട്ട് said...

വീട്ടുമുറ്റത്തെ കൊന്ന ഈ വര്‍ഷവും നിറച്ചും പൂത്തിട്ടുണ്ടാവും.

ഭാസ്കരേട്ടന്റെ പടക്കക്കടയ്ക്കു മുന്നില്‍ ആളുകള്‍ തിക്കും തിരക്കും കൂട്ടുന്നുണ്ടാവും.

(ഒരു പായ്ക്കറ്റ്‌ 'കേപ്പ്‌' കിട്ടിയിരുന്നെങ്കില്‍ കുത്തി പൊട്ടിക്കാമായിരുന്നു)

:: niKk | നിക്ക് :: said...

സിംഹപുരി?
അതെവിട്യാ പ്രിയംവദ്സ്?

വിഷു ആശംസകള്‍ :)

:: niKk | നിക്ക് :: said...

ഓ.ടോ: ഹഹഹ രേഷ്മയുടെ ഡൌബ്ട്ട് കലക്കി.
ആ പൂക്കല്‍ മരത്തില്‍ നിന്ന് തല്ലിയിടുമ്പോള്‍ത്തന്നെ ആ പൂക്കള്‍ മരിച്ചുകഴിഞ്ഞു.
അപ്പോള്‍ കൊന്ന പ്പൂ ആയില്ലേ? യേത് ?

കരീം മാഷ്‌ said...

വിഷുപ്പക്ഷിയേതോ കൂട്ടില്‍...
വിഷാദാര്‍ദ്രമെന്തോ പാടി...!

പ്രിയംവദക്കും കുടുംബത്തിനും സ്നേഹ സമ്പന്നമായ വിഷു ആശംസകള്‍.

Bijoy said...

Nice post, its a really cool blog that you have here, keep up the good work, will be back.

Warm Regards

Biby Cletus - Happy Vishu

ഓന്ത് said...

നന്നായിട്ടുണ്ട്‌. കനിക്കൊന്നപ്പൂക്കളേപ്പോലെ ഭംഗിയുണ്ട്‌ ഈ വരികള്‍ക്ക്‌.

sandoz said...

ആര്‍ക്ക്‌ വേണ്ടി മാഷേ ...കുറേ ഓര്‍മ്മകളും ആചാരങ്ങളും അനുഷ്ഠാനങ്ങളുമൊക്കെ പൊത്തിപ്പിടിച്ച്‌ ഇരിക്കുന്നത്‌....ഒരു പരിധി വരെ നമ്മുടെ സന്തോഷത്തിനു വേണ്ടി എന്നു പറയുന്നതായിരിക്കും ശരി....പുതു തലമുറക്കു വേണ്ടെങ്കില്‍ വേണ്ടാ......

പഴയകാലത്തെ എത്ര കേരളീയാചാരങ്ങളും അനുഷ്ഠാങ്ങളും നശിച്ച്‌ പോയി..അല്ലെങ്കില്‍ വളരെ കുറച്ച്‌ ജനങ്ങള്‍ മാത്രം ആചരിക്കുന്നു......അങ്ങനയങ്ങനെ...പുതുതലമുറക്ക്‌ വേണ്ടത്‌ അവര്‍ കണ്ടെത്തും....അതില്‍ നൊസ്റ്റാള്‍ജിയ പ്രശ്നങ്ങള്‍ നമുക്ക്‌ തോന്നും..അവര്‍ക്കു തോന്നില്ലാ....പഴയത്‌ പലതും കണ്ടില്ലാന്നു വച്ചപ്പോഴും അറിയാതിരുന്നപ്പോഴും നമ്മള്‍ക്കു പ്രശ്നമൊന്നുമുണ്ടായില്ലല്ലോ...നമ്മുടെ പഴയ തലമുറക്ക്‌ കുറച്ച്‌ വിഷമം അല്ലാതെ...

പ്രിയംവദ-priyamvada said...

sandoz.. ഭാഗികമായി യോജികുന്നു..വിഷു ഓണം ഒക്കെ ചില കൃഷി കാര്യങ്ങള്‍ടെ ഒടുക്കമൊ തുടക്കമൊ ഓര്‍മിപ്പിക്കാനായിരുന്നിരിക്കണം..അങ്ങിനെ നോക്കുമ്പോള്‍ ഇപ്പൊ മദര്‍സ്‌ ഡേ ഫാദര്‍'സ്‌ ഡേ ഒക്കെയാണു ആചരിക്കേണ്ടതു അല്ലെ?..
എന്തൊ,, പഴക്കദോഷം വെറുതെ പിന്തുടരുന്ന ശീലങ്ങള്‍..ഇതൊക്കെ പകര്‍ന്നു തന്നു കടന്നുപോയവരെ ഓര്‍ത്തിട്ടണൊ ,വേരോടെ പിഴുതു ഇവിടെ നട്ട പുതു നാമ്പുകളുക്കു നാടും ഭാഷയും എല്ലാം ഇല്ലാതാക്കി എന്ന വേണ്ടാത്താ കുറ്റബോധമാണൊ.. അറിയില്ല ഇതിന്റെ പ്രേരകശക്തി..
ഒരു കാര്യം ഉണ്ടു മനുഷ്യനു എന്നും 'ഓര്‍മകള്‍ ഉണ്ടായിരിക്കണം'..അല്ലെങ്കിലും ജീവിക്കാമായിരിക്കും ..പക്ഷെ

പടിപ്പുര,കോമണ്‍ മാന്‍ ,ക്ലീറ്റസ്‌ നിക്ക്‌ കരിം മാഷു ..കൈനീട്ടത്തിനും ആശംസകളുക്കും നന്ദി..
നിക്ക്‌ ,സിംഹപുരി അറിയില്ലെ? ബൂലോക പുലിമടയ്ക്കു അടുത്തു തന്നെ..

padmanabhan namboodiri said...

അമ്മയും മകളും തമ്മിലുള്ള ആ dialoge വല്ലാതെ ഇഷ്ടമായി

കുട്ടു | Kuttu said...

കുട്ടികള്‍ വഴിതെറ്റി എന്നു വിലപിക്കുന്ന മാതാപിതാക്കള്‍ക്ക്.....

ഓര്‍ക്കുക - നിങ്ങള്‍ തന്നെയാണ് ഉത്തരവാദി.

കണികാണുന്നതിന്റെ (അതു മാത്രമല്ല. ഏത് ആഘോഷമായാലും) മഹത്വം കുഞ്ഞുങ്ങള്‍ക്ക് പറഞ്ഞു കൊടുത്താലല്ലെ അറിയൂ....

FX said...

why are we thw mallus show soooo much hippocrisy.malayalam blog padichuvarunnatheullu...
I reallly envy the way you all blog in malyalam.It was wonderful reading

അപരാജിത said...

പ്രിയംവദാ,
എനിക്കറിഞ്ഞ് കൂടായിരുന്നു ആള്‍‌റെഡി ഒരു പ്രിയംവദ എക്സിസ്റ്റ് ചെയ്യുന്ന കാര്യം.എനി വേ സോറി

Siji vyloppilly said...

priyam vadechi,

puthiyathu porttee...Edakku vannu nokkum puthiyathu vannonnu.
siji

അപരാജിത said...

നമസ്ക്കരം പ്രിയംവദാ (ചേച്ചീന്നു വിളിക്കാന്‍ പാടുണ്ടോ ആവോ?)
ഇലഞ്ഞി പൂ മണം ഒഴുകി വരുന്നു എന്ന ബാല്യകാലസ്മരണ എനിക്കു വളരെ ഇഷ്ടപ്പെട്ടു.പിന്നേ ഇപ്പൊഴും വായനയെ ഇഷ്ടപ്പെടുന്ന ചുരുക്കം ചില യുവാക്കളെങ്കിലും ഉണ്ട്.അതില്‍ ഒരാളാണു ഞാന്‍ എന്നു പറയാന്‍ എനിക്കു അഭിമാനവുമുണ്ട് കേട്ടൊ.നാട്ടിലെ മുന്‍സിപ്പല്‍ ലൈബ്രറിയിലെ ചുരുക്കം ചില യുവ മെംബര്‍മാരില്‍ ഒരാളാണു ഞാന്‍.അവിടെ ചെന്നു കഴിഞ്ഞാല്‍ സങ്കടം തോന്നും.എന്തോരം ബുക്കുകളാ അവിടെ.വായിക്കാനോ?ആരുമില്ല താനും.അതിന്റെ ഇടയില്‍ തപസിരിക്കുന്നതു പോലെ ഒരു ലൈബ്രേറിയനും.ഇവിടെ ഞാന്‍ പടിച്ച സ്കൂളിനു മുന്നിലായിരുന്നു ഇത്ര വലിയൊരു ലൈബ്രറി.എന്നിട്ടു അങനെ ഒരു സാധനം അവിടെ ഉള്ള കാര്യം 90 ശതമാനം ആള്‍ക്കാര്‍ക്കും അറിയില്ലായിരുന്നു.ഇപ്പൊഴും അറിയുകയുമില്ല.(ഈ കമന്റ് അവിടെ ഇട്ടാല്‍ വായിച്ചില്ലെങ്കിലോ എന്നു കരുതിയാണ്)

പ്രിയംവദ-priyamvada said...

Sijiye ithinu iyaal anubhavikkum!

Anpe...Thanks for ur comment,shall write to you in detail later ,no varamozhi in this PC